EITBko Sos Kantak Arriskuan programa grabatuko dute Ordizian
Programan abesteko prest egongo diren ordiziarrak behar dituzte. Atzo lehenengo grabaketa egin zuten. Eguberritako saio berezirako izango da.
EITBko Sos Kantak Arriskuan programak Eguberritako programa berezia grabatuko du Ordizian. Atzo izan zuten lehenengo grabaketa eguna, eta astelehenean (azaroak 27) eta asteartean (azaroak 28) ere egingo dituzte grabaketak. Herriko ondarea berreskuratzeko asmoz, Zer zabiltzate artzainak eta Kattalin kantuak abestuko dira, eta horretarako programan abesteko prest egongo diren ordiziarrak behar dituzte. Ez da abeslari profesionala izan behar parte hartzeko. Parte hartu nahi dutenek soskantak@pausoka.eus helbide elektronikora idatzi edo 638 585 379 telefonora deitu dezakete.
