'Erretratu Bat' diskoa argitaratu du Esanezin-ek
Ianire Aranzabe altzagarrak, Arri Iraeta zumarragarrak eta Ander Zubillaga eta Iñigo Asensio tolosarrek osatzen dute Esanezin. Diseinua eta maketazioa Saioa Arregi eta Maddi Pecharroman ordiziarrek egin dute.
Ianire Aranzabek (Altzagarate, 1999) 2021ean argitaratu zuen bere lehen diskoa, Aireratzen, Esanezin izeneko proiektuarekin. Gerora taldea osatu zuen, eta gaur bigarren diskoa plazaratu dute: Erretratu Bat. Egun Ianire Aranzabek berak (ahotsak eta gitarra akustikoa), Iñigo Asensio tolosarrak (pianoa, sinteak eta baxua), Arri Iraeta zumarragarrak (bateria eta perkusioak) eta Ander Zubillaga tolosarrak (gitarra elektrikoa) osatzen dute Esanezin taldea.
Aurtengo udan, Lezoti Estudioan grabatu, nahastu eta masterizatu dute diskoa, Gorka Urraren eskutik. Hamar abestiz osatutako lana da. Diseinua eta maketazioa Saioa Arregi eta Maddi Pecharroman ordiziarrek egin dute.
Youtube-n jarri dute disko osoa entzungai.
