Auto bat erre da Eitzan
Gaur, 08:30ak aldera, auto bat erre da Eitzan. Suhiltzaileak bertaratu behar izan dira. Jon Segura sutearen lekuko izan da eta argazkiak atera ditu eta bideoak grabatu ditu. “08:30eak aldera bi leherketa txiki entzun ditugu. Autoaren leihoetako kristala izango zen. Gure etxetik gertu etxebizitzak eraikitzen ari dira eta zarata obrakoa izango zela pentsatu dut. Baina katua leihora gerturatu da, argi laranja bat ikusi dut eta ni ere gerturatu egin naiz. Bost minutura ertzainak gerturatu dira eta bost minutura udaltzainak. Azken hauek sua itzaltzen saiatu dira, baina ez dute lortu. Suhiltzaileek itzali dute. Autoa bizilagun batzuena da eta beraiek ere bertaratu dira”.
Argazkiak: Jon Segura
