Kaparrak taldea eta DJ Naza Idiazabalgo Gaztetxearen 23. urteurrenean
Idiazabalgo gaztetxea. Idiazabalgo Gaztetxearen 23. urteurrena ospatzeko kontzertuak antolatu ditu Idiazabalgo Gazte Asanbladak larunbat honetarako, abenduak 9. Iluntzetik aurrera emango diote hasiera ekitaldiari, 21:00etan ogitartekoak banatuko dituzte gaztetxean bertan. 23:00etan Kaparrak talde aretxabaletarraren kontzertua izango da. Aurtengo udan eman dute lehendabiziko kontzertua jendaurrean eta “runba abstraktua” bezala definitzen dute euren estiloa. Goizaldeko 01:00etan, DJ Nazaren txanda izango da.
2000. urtearen amaieran sortu zen gazte asanblada, eta harekin baita gaztetxea ere. Ordutik urtero ospatu izan dute urteurrena, 2020an izan ezik. Ordu hartan, urteurren borobila ospatzeko, 20.ena, ekitaldi handia zuten antolatuta, baina pandemiak eragotzi zien aurrera eraman ahal izatea.
