Erregeen zamalkadarako boluntarioak behar dira
Zamalkadan parte hartzeko eta ekitaldia antolatzeko laguntzaileak behar ditu Atxipi Aisialdi Elkarteak.
Datorren urtarrilaren 5ean iritsiko dira hiru Errege Magoak Beasainera, Atxipi Aisialdi Elkartearen ekimenez. Zamalkadan parte hartzeko izen ematea zabalik dago. LH5. mailatik gorako edonork parte har dezake. Atxipi Elkartearen webgunean sartuta eman daiteke izena, abenduaren 30a baino lehen. Gogoratu, LH5 mailakoak, baserritarrez jantzita irtengo direla zamalkadan, eta gainontzekoak, antolakuntzak utzitako arropekin.
Izena ematen duten pertsonekin bilera bat egingo da urtarrilaren 4an, osteguna, 10:00etan, Igartzako jauregian.
Antolakuntzarako boluntarioak
Zamalkadaren egunean beharko diren laguntzaileez gain, ekitaldia bera prestatzeko boluntarioak behar dira (karrozak muntatu, jantziekin lagundu,…). Laguntzeko prest dauden herritarrek atxipi.aisialditaldea@gmail.com epostara idatzi beharko dute.
