Gabon Azoka egin zuten igandean lehen aldiz Araman
Plazan elkartu ziren 11:00etatik 14:00etara bertako zein beste herri batzuetako ekoizleak. Herritar ugari gerturatu ziren azokara.
Gabon Azoka egin zuten igandean Araman, lehen aldiz, Gaztaintxota kultur elkarteak antolatuta. 11:00etatik 14:00etara, Aramako zein beste herri batzuetako ekoizleak elkartu ziren plazan haien produktuak salgai jartzeko: bitxiak, loreak, ukenduak, gaztak, ipuinak, ogia, xaboia… Hamaika postu izan ziren. Eguraldiak ere lagundu zuen azkenerako, eta herritar ugari gerturatu ziren plazara azoka goizaz gozatzeko. Jana eta edana eskaini zuten Gaztaintxotako kideek. 
