Larunbatean basurde uxaldia egingo dute San Adrian eta Oltza artean
Mendizaleei eremu hori saihesteko gomendioa egin die Gipuzkoako eta Arabako Partzuergoak.
San Adriango pasabidetik gora doan galtzada. Arabako eta Gipuzkoako Partzuergoak jakinarazi du larunbatean basurde uxaldi bat egitekoa dela Urbia inguruan, San Adriango kobazuloaren eta Oltzako saroiaren artean, baldin eta eguraldiak laguntzen badu.
Hori dela eta, San Adriandik Aizkorrira maratoiko bidetik –Sancti Spiritutik– joateko gomendioa egin du, eta Urbiara Aizkorritik bueltan joateko. Zumarraunditik Urbiara ere pistatik joateko deia egin du.
Saihestu beharreko eremua honako litzateke: San Adriango pasabidetik eta Zumarraunditik Peazuluetara doan mendi bidea eta Oltza ingurua.
Era guztira “abisuak eta kartelak” jarriko dituztela iragarri du Partzuergoak.
