«Sagardo barietate handia dugu sagardozaleen gozamenerako»
Maite Retolaza, Zeraingo Oiharte sagardotegikoa. // ARGAZKIA: Ariane Vierbücher Sagardo denboraldi berriaren aurrean «ilusioz eta pozik» dago Maite Retolaza Zeraingo Oiharte sagardotegiko arduraduna. «Aurten sagar asko izan da gurean, %100 euskal jatorri deiturako sagardoa egin dugu, eta guretzako oso kalitate onekoa eta aurreratua gainera».
Orain uztak emandakoaz gozatzeko momentua iritsi da, baina Retolazak ez du alde batera utzi nahi izan, sagardoa dastatzeko dagoen momentura arte egindako lan guztia. «Sagastiak zaindu, une honetan bost hektarea eta erdi ditugu ekologikoan etxe ondoan, eta landaketetatik hasi, kimaketak egin,…eta gero sagarra bildu,…urte osoko lana da!»
Oiharten izango duten eskaintzaren inguruan «sagardo barietate handia» nabarmendu du; «ekologikoa, premium, egurrez landutako kupeletako sagardoa, markesa,… sagardozaleen gozamenerako!».
Irekiera urtarrilaren 19an izango dute eta onena erreserba egitea da.
