Astelehenean irekiko dute Zegama-Aizkorrin izena emateko epea
Aurre izen-ematea urtarrilaren 26ra arte egongo da zabalik, eta zozketa otsailaren 23an izango da. Iaz 13.800 eskaera egon ziren 225 dortsaletarako.
Iaz probaren aurkezpena eta faboritoekin Zegaman egindako agerraldia. // Argazkia: Igor Quijano Astelehen eguerdian, 12:00etan, zabalduko dute 2024ko Zegama-Aizkorri mendi maratoi ospetsuan 23. edizioan izena emateko epea, urtarrilaren 26ra arte. Dortsalen zozketa, berriz, otsailaren 23an egingo dute.
Maiatzaren 26an jokatu da Zegama-Aizkorri mendi maratoia, eta Golden Trail World Series zirkuiturako puntuagarria izango da aurten ere. Probak aurre inskripzioen errekorrak hausten ditu urtero; iaz 13.800 eskaera egin ziren eskuragarri dauden 225 plazetarako. Aurten, aurre izena ematea egin nahi dutenek euro bat ordaindu beharko dute kudeaketa-gastu gisa.
Kilometro Bertikalean eta Junior Trailean (16-20 urte) izena emateko epea, berriz, urtarrilaren 29an irekiko dute. Kilometro Bertikala Kilometro Bertikalen EMF-ren Euskadiko Txapelketa izango da eta Kilometro Bertikalen Euskal Herriko Kopa 2024rako puntuagarria.
2024ko Zegama-Aizkorriko datak
- Urtarrilak 15. 23. Zegama-Aizkorri mendi maratoiaren aurre izen-ematea.
- Urtarrilak 29. X. Zegama-Aizkorri kilometro bertikalaren eta XIII. Zegama-Aizkorri Junior Trailaren aurre izen-ematea.
- Otsailak 23. Dortsalen zozketa.
- Maiatzak 24. X. Zegama-Aizkorri kilometro bertikala.
- Maiatzak 26. 23. Zegama-Aizkorri mendi maratoia eta XIII.en Zegama-Aizkorri Junior Traila.
