Sanblasetako pilota partidarako sarrerak datorren astean jarriko dituzte salgai
Sarrerak udaletxeko areto nagusian jarriko dituzte salgai asteartean eta asteazkenean. Pilota partida otsailaren 3an jokatuko da Igarondon. Elordi eta Rezusta, Artola eta Imazen aurka neurtuko dira Idiazabalen.
Pilota partidak otsailaren 3an jokatuko dira Igarondon. //Argazkia: Hitza. Idiazabalgo Udalak jakitera eman duenez, San Blas jaien barruan jokatuko den pilota partidurako sarreren aurre-salmenta datorren astean egingo da. Sarrerak urtarrilaren 16an eta 17an —asteartean eta asteazkenean— jarriko dituzte salgai 14:30etik 16:30era udaletxeko areto nagusian. Pertsona bakoitzeko sei sarrera hartu ahal izango dira gehienez, eta txartel bidez bakarrik ordaindu ahal izango da. Behin aurre-salmenta amaituta, Internet bidez erosteko aukera ere egongo da.
Profesionalen arteko pilota partidak otsailaren 3an jokatu dira, 17:15ean Igarondo pilotalekuan. Bigarren mailako binakako txapelketa jokatuko da aurrena, Larrazabal-Eskiroz, Exposito-Gaskueren kontra. Lehenengo mailako binakako pilota txapelketetako kanporaketa Elordi-Rezusta eta Artola-Imaz bikoteen artean jokatuko da.
