'Aia bizirik!' ospakizuna egingo dute Ataunen
Orain bi urteko San Isidro ospakizuna Ataungo Aia auzoan. // ARGAZKIA: Aitor Garmendia Ataungo hiru auzo nagusien artean txikienean, Aian, festa eguna dute bihar, hilak 20. Aia Bizirik! goiburua jarri diote ospakizunari. Erroipe interpretazio zentroa eta Haitzarri elkartea dira babesleak.
Arratsaldean hasiko da egitaraua, 18:00etan, Jentilen igoerarekin. 18:30ean ardo dastaketa egingo dute –jatekoa egongo da–, eta 21:00etan afaria autogestionatua. Elkartean pizzak erosteko aukera izango da.
Gauean, berriz, musikak hartuko du plaza, 23:30etik aurrera. Pakillo el Kutero y los antxoillas taldea, eta B DJa eta Antxoilak DJa ariko dira.
