Iritsi da Goierri Gorriko kromo bilduma
Goierri Gorri futbol taldeak kromoak egin ditu eta gaur banatu dituzte jokalarien artean albumak, aurkezpen moduan, gorengo mailako taldearen partidaren aurretik, Beasaingo Igartza Futbol Zelaiko harmailetan.
Goierri Gorri taldeak kromoak aurkeztu ditu gaur Beasaingo Igartza Futbol Zelaiko harmailetan, gorengo mailako taldearen partidaren aurretik. Futbol eskolatik hasi eta gorengo mailarainoko taldeak ageri dira bilduman eta banan-banan, kategoriaka hurbildu dira harmailetan jarri duten mahaira, bakoitzak bere albuma jaso dezan. Album guztiak pertsonalizatuak egin dituzte, hala, jokalari bakoitzak bere kromoaren irudia izanik azalean. Oso gogotsu hartu dute bildumaren kontua futbolariek eta harmailetan albumak hartu bezain laster hasi dira bilduma osatzen, baita elkarren artean trukeak egiten ere. Arratsalde polita izan da Igartza Futbol Zelaian, haien burua kromoetan aurkituz, albumak begiratuz eta abar aritu baitira jokalariak, taldean, lagun artean zein gurasoekin.
Kromoen eta albumen banaketa egiten ari zirela eman diote hasiera gorengo mailako taldearen partidari. Gaurkoan Tolosako taldea izan dute aurrean eta nahiz eta 5minutuan gola kontran jaso duten etxekoek, segituan eman diote buelta markagailuari, area ertzetik jarutitako falta batekin. Partidak aurrera egin ahala indarrak neurtuz jarraitu dute Goierri Gorrik eta Tolosak eta azkenenan, 1-1 berdindu dute.
