Gertu izan du garaipena Ampo Ordiziak
18 eta 28 galdu zuen bigarren postuan dagoen VRAC Quesos Entrepinares taldearen aurka atzo, Altamiran. Larunbatean Barça Rugby taldearen aurka jokatuko dute, Bartzelonan.
Ampo Ordiziaren eta VRAC Quesos Entrepinaresen arteko partidako irudia. Gertu izan zuen atzo garaipena Ampo Ordiziak. Sailkapenean bigarren postuan dagoen VRAC Quesos Entrepinares taldearen aurka jokatu zuen Ohorezko Mailako 10. jardunaldia, Altamiran. Harmailak bete zituzten zaleek. Atsedenaldira puntu bakarreko aldearekin iritsi ziren arren, 18 eta 28 galdu zuten azkenean.
Hirunaka egin zituen puntuak atzo Ampo Ordiziak. Matias Daniel Jabasek sartutako sei zigor kolperekin egin zituen 18 puntuak taldeak. 12 eta 13ko markagailuarekin iritsi ziren atsedenaldira, eta bigarren zatiko lehen puntuak Ampo Ordiziak eskuratu zituen. 18 eta 13 jarri ziren aurretik, baina VRACek entsegu batekin berdindu zuen partida. Azken minutuetan zigor kolpe eta entsegu bana egin zituen Valladolideko taldeak eta 18 eta 28 amaitu zen partida.
Ampo Ordiziak azken aurreko postuan jarraitzen du sailkapenean, 10 punturekin. Atzetik dago Pozuelo, 9 punturekin, eta aurretik Pasek Belenos (15 puntu) eta Les Abelles (16 puntu). Partida bat gutxiago jokatu dute goierritarrek. Larunbatean Barça Rugby taldearen aurka jokatuko dute, Bartzelonan.
