Kilometro Bertikalean eta Junior Trailean izena emateko epea astelehenean irekiko da
Zegama-Aizkorri mendi maratoian 9.873 pertsonek eman dute izena dagoeneko. Dortsalen zozketa otsailaren 23an egingo dute.
Kilometro Bertikala probako une bat, iazko edizioan.Igor Quijano Datorren astelehenean, urtarrilaren 29an, irekiko dute Zegama-Aizkorriko Kilometro Bertikala eta Junior Trail probetan parte hartzeko aurre izen ematea. Kilometro Bertikalerako izen ematea otsailaren 9ra arte egongo da zabalik eta Junior Trailekoa apirilaren 30era arte. Kilometro Bertikala Kilometro Bertikalen EMF-ren Euskadiko Txapelketa izango da eta Kilometro Bertikalen Euskal Herriko Kopa 2024rako puntuagarria.
Pasa den astean ireki zuten, bestalde, mendi maratoirako aurre izen ematea. Lehendabiziko orduetan, sei milatik gora ziren izena emandakoak; gaur, 9.873 dira. Urtarrilaren 26ko gau erdira arte irekita egongo da aurre izen-ematea. Otsailaren 23an egingo dute mendi maratoirako, zein Kilometro Bertikalerako dortsalen zozketa.
2024ko Zegama-Aizkorriko datak
- Urtarrilak 29. X. Zegama-Aizkorri Kilometro Bertikalaren (18 urtetik gora) eta XIII. Zegama-Aizkorri Junior Trailaren (16-20 urte artean) aurre izen-ematea.
- Otsailak 23. Dortsalen zozketa.
- Maiatzak 24. X. Zegama-Aizkorri Kilometro Bertikala.
- Maiatzak 26. 23. Zegama-Aizkorri mendi maratoia eta XIII.en Zegama-Aizkorri Junior Traila.
