Mus lehiaketaren aurretik afaria egingo dute Lazkaon
Euskal Herriko txapelketako kanporaketa ostiralean jokatuko da, 22:00etan, Gerriko elkartean.
Euskal Herriko 15. Mus Txapelketako Lazkaoko kanporaketa bihar, ostirala, gauean jokatuko da, Gerriko elkartean 22:00etan hasita. Aurrez, 20:15ean, afaria egingo dute; hara joateko izena eman behar da (669 15 48 19).
Musean bikoteko 20 euro ordaindu beharko da. Lehen bikoteak –partaidetzaren arabera aldatzen da kopurua– Iruran (Gipuzkoa) martxoaren 9an jokatuko den Gipuzkoako txapelketarako sailkatuko dira.
