Altsasuko inauterietara irteera antolatu du Goiztiri AEK-k
Asteartean izango da irteera, Momotxorroak ikusteko. 943889174 zenbakira deitu behar da izena emateko.
![](https://goierri.hitza.eus/site/files/2024/02/momotxorroak.jpg)
Ordiziako Goiztiri AEK euskaltegiak Altsasuko inauterietara irteera antolatu du astearterako, otsailaren 13rako. Momotxorroak ikusteko txangoa izango da. Autobusa 17:30ean irtengo da Ordiziako tren geltokitik, eta buelta 20:00ak aldera egingo dute. Edozein herritarrek parte hartu dezakete, ez dago euskaltegiko ikaslea izan beharrik. Izena emateko Goiztiri AEKra deitu behar da, 943 889 174 zenbakian.