'Zorionak Marimotots' saiorako sarrerak agortuta
Ataungo Herri Antzokian izango da ikuskizuna, bihar arratsaldean.
Porrotx eta Marimotots Katxiporretako pailazoen Zorionak Marimotots! ikuskizuna ikusteko sarrera guztiak saldu dira. Bihar izango da ikuskizuna, Ataungo Herri Antzokian, 18:00etan. Doluaren inguruko ikuskizuna da. Urteak pasa dira Amatxo hil zenetik, baina pailazoak pozik daude, berarekin akordatzen diren aldiro irria ateratzen zaielako ezpainetan, intxaur zaporeko irria. Intxaurrondoa landatu zuten bere oroimenez. Intxaurrondoak emandako lehen fruituak dastatuko dituzte Ataunen.
