Su Ta Gar-ek Legorretan emango duen kontzerturako sarrerak arratsaldean salduko dituzte antzokian
Online sarrerak agortu dira jada. Gaur 18:00etatik 19:30era egongo dira salgai.
Satto kultur elkarteak antolatzen dituen kontzertuen barruan, Su Ta Gar talde eibartarrak kontzertua egingo du apirilaren 20an Legorretako Herri Antzokian. Gaur bertan zabaldu du sare sozialetan deialdia Sattok, eta dagoeneko online sarrerak agortu dira. Halere, gaur, 18:00etatik 19:30era, sarrera fisikoak jarriko dituzte salgai antzokian bertan, 20 euroan.
Kontzertuaren egunean, 21:00etan irekiko dituzte ateak, eta 21:30ean hasiko da emanaldia.
