Azken minutuan galdu du partida Ampo Ordiziak
16-15 irabazi dio Les Abelles-ek larunbatean. 80. minutuan zigor kolpea sartu zuen Valentziako taldeak.
Les Abelles-Ampo Ordizia partidako irudia. Ampo Ordizia porrotarekin itzuli da Valentziatik. Larunbatean Les Abelles-en kontra jokatu zuen talde goierritarrak eta azken minutuan aurkariak sartutako zigor kolpe batengatik galdu zuen. 16 eta 15 amaitu zen partida. Bigarren itzuliko bigarren partida izan zen.
Puntu gutxiko partida jokatu zuten. Atsedenaldira Ampo Ordiziaren aldeko 7 eta 8ko markagailuarekin joan ziren. Bigarren zatia hasi eta lau minutura, zigor kolpea sartu zuen Les Abelles-ek (10-8), eta sei minutura beste bat (13-8). Partida amaitzera zihoanean, 75. minutuan entsegua egin eta transformatu zuen Ampo Ordiziak aurretik jartzeko (13-15). Azken minutuan, baina, zigor kolpea sartu zuen aurkariak eta 16-15 amaitu zen partida.
Ohorezko Mailako B multzoko sailkapenean bigarren postuan dago Ampo Ordizia, 24 punturekin, Complutense Cisneros lehenengoarekin eta Barça Rugby hirugarrenarekin berdinduta.
Hurrengo partida etxean jokatuko du Ampo Ordiziak, Altamiran, martxoaren 24an, azken postuan dagoen Pozuelo Rugby Union-en kontra.
