Euskal Herriko Mus Txapelketa

Goierriko 11 bikote sailkatu dira Euskal Herriko mus finalera

Irurako frontoian jokatu da Gipuzkoako finala, eta han lehian aritu diren Goierriko 30 bikoteetatik 11k lortu dute martxoaren 23an Zuberoan izango den Euskal Herriko finalerako sailkatzea.

Iñaki Gurrutxaga

Goierri

2024/03/11

Martxoaren 23an jokatuko da Altzain (Zuberoa) Euskal Herriko XV. Mus Txapelketaren finala, eta harako sailkatu diren 128etatik 11 Goierrikoak izango dira –behean zerrenda–. Herrialdeka, honakoak dira kopuruak: Arabatik 16 bikote sailkatu dira; Bizkaitik 8, Nafarroa Beheretik 18; , Gipuzkoatik eta Nafarroa Garaitik 32na; Lapurditik 14; eta Zuberoatik 8.

Larunbatean jokatu ziren herrialdekako finalak eta Euskal Herrira finalerako sailkatzeko kanporaketak. Gipuzkoako finala Iruran izan zen, eta Goierriko 30 bikote zeuden harako sailkatuak. Horietatik 11k lortu dute Zuberoako final nagusirako txartela, final-hamaseirenetara sailkatzea lortu baitzuten.

Goierriko bikoteek ez dute ohorezko posturik lortu Iruran, baina Gipuzkoa ordezkatuz Altzaira joango diren bikoteek herena Goierrikoak dira, bederatzi herritakoak. Beasain eta Beasain-Arriaran kanporaketa guneko hiru bikoteek lortu dute Euskal Herriko finalera sailkatzea, eta Irurara Ataun eta Zaldibia hiruna bikoteko ordezkaritzarekin joan baziren ere, ez da bi herrietako bikote bakar ere sailkatu Altzaira joateko.

Eskoriatzako Jose Regañok eta Javier Erañak irabazi dute Gipuzkoako txapelketa, finalean Zizurkilgo Juan Iraola eta Aitor Makatzagari gailenduta.

Euskal Herriko finalera sailkatutako Goierriko bikoteak