Bihar hasiko da Ordiziako Korrika egitaraua, Goiztiri AEKren triki poteoarekin
17:30ean hasiko da, Goiztiri AEKtik. Martxoaren 22an txikien eguna izango da, eta martxoaren 23an Korrika ofiziala. Baionara joateko autobusak antolatu dituzte.
Ordiziako Udaleko Gizarte Zerbitzuetako langileak lekukoa eramaten, 22.Korrikan, 2022an.Korrika Bihar hasiko da Ordiziako Korrika Batzordeak egindako Korrika egitaraua. Goiztiri AEK-k antolatuta, peto-triki-poteoa izango da herrian zehar, 17:30ean euskaltegitik aterata. Martxoaren 15erako, berriz, ostiralerako, haurrentzako mural eraketa antolatu dute ikastetxeek eta Hitzaro euskara elkarteak.
Hurrengo astean jarraituko du egitarauak. Martxoaren 20an korrikapoteoa izango da 18:30ean, eta martxoaren 21ean Tipi-tapa, tipi-tapa bakarrizketa Barrenako areto nagusian, 18:30ean. Martxoaren 22an txikien eguna izango da, eta martxoaren 23a korrika ofiziala, egun horretan pasako baita 23. Korrika Goierritik, Ordiziatik 11:30 aldera.
Hau da azken bi egun horietako egitaraua:
Martxoak 22, txikien eguna
- 10:30. Korrika Txikia (Urdaneta ikastetxea, Oianguren institutua eta Jakintza ikastola).
- 18:00. Edizioko abestiaren dantza Plaza Nagusian (Urdaneta dantza taldea eta Amets Bide).
- 18:15. Kalejira (Banda Txikiaren eskutik).
- 19:00. KantAzak.
Martxoak 23, Korrika ofiziala
- 11:00. Burrunbazale txaranga.
- 11:30. Korrika iritsiera.
- 12:00. Burrunbazale.
- 13:00. Pintxoak Plaza Nagusian.
Autobusak Baionara
Martxoaren 24an Korrika amaiera bizitzera deitu dituzte goierritarrak, Baionan. Autobusak antolatu dituzte Ordiziatik, Lazkaotik eta Beasaindik. Ordiziakoa tren geltokitik irtengo da, 10:00etan, eta Baionatik 19:00etan izango da itzulera. Izena eman nahi dutenek martxoaren 20a baino lehen 10 euroko transferentzia bat egin behar dute ES92 2100 4227 7122 0027 3324 kontu korrontera, kontzeptuan izen-abizenak, pertsona kopurua eta autobusa non hartuko den adierazita.
