EUSKO LEGEBILTZARRERAKO HAUTESKUNDEAK
Bi goierritar EAJren hautagaien artean
Markel Olano beasaindarra bigarren doa Gipuzkoako zerrendan, eta Xabier Barandiaran ataundarra seigarren.
Eider Mendoza, Garikoitz Mendizabal, Markel Olano, Bakartxo Tejeria, Xabier Barandiaran eta Olatz Peon, ostiralean Ordizian. Ostiralean apirilaren 21eko Eusko Legebiltzarrerako hauteskundeetako hautagaitzan parte hartuko duten goierritarrak aurkeztu zituen EAJk, Ordizian. Bakartxo Tejeria buru duen Gipuzkoako zerrendan, bigarrena da Markel Olano beasaindarra, eta seigarrena Xabier Barandiaran ataundarra. Tejeriaz, Olanoz eta Barandiaranez gain, Ordizian elkartu ziren Eider Mendoza diputatu nagusia eta eskualdeko alkate eta udal ordezkari jeltzaleak batzarra egiteko eta hautagaiak aurkezteko.
