Urteurrena ospatzeko bazkaria egin dute Zuhaiztin
Bihar beteko ditu Zuhaizti Gizarte Zentroak 36 urte. Urteurrenaren harira, hainbat jarduera egin zituzten aurreko astean. Bihar, hamaiketakoa eta antzerkia izango dira.
Igandeko bazkaria Zuhaiztiko urteurrena ospatzeko.Hitza Urteurrena ospatzeko bazkari jendetsu egin zuten atzo Zuhaizti Gizarte Zentroan. Bazkideentzako zein bazkide ez direnentzako bazkaria izan zen, eta izena emanda zuten dozenaka herritarrek parte hartu zuten. Aurreko astetik hasita, hainbat jarduera egin dituzte zentroan, ireki zenetik 36 urte bete direla ospatzeko. Mahai eta mugimendu jokoen txapelketaz gain, ostegunean jaialdia egin zuten. Zuhaiztiko Umore Ona abesbatzak emanaldia eskaini zuen.
Berez, bihar ospatuko dira, zehazki, 36 urte gaur egungo zentroa ireki zutenetik, San Jose egunez. Bihar amaituko dira ospakizunak. 11:00etan hamaiketakoa izango da Zuhaiztiko tabernan, eta 18:00etan, adinekoen Zuentzat elkarteak Tiempos de mujer antzezlana eskainiko du.
