Korostiren eta Iñaki Palaciosen emanaldirako sarrerak salgai daude
Apirilaren 20an izango da, Urbeltz pilotalekuan. Legazpiko dantzariek Iñaki Palacios txistulariarekin eta horren The Gaels taldearekin landutako ikuskizuna aurkeztuko dute.
Iñaki Palacios & The Gaels, 2021eko irailean Legazpin egindako kontzertuan; Palacios eserita dago, gitarra eskuetan duela. Tere Madinabeitia Legazpiko Korosti dantza taldeak eta Iñaki Palacios txistulariak eta The Gaels bere bandak ikuskizun bat osatu dute elkarlanean, eta apirilaren 20an aurkeztuko dute, 19:00etan, Urbeltz pilotalekuan.
Sarrerak salgai daude 5 euroan Gurrutxaga, Kukue eta Urbeltz tabernetan, Laubideko estankoan eta Oskarbi optikan. Whats-appez ere erosi daitezke, 688 852 624 zenbakian.
Iñaki Palacios & The Gaels izanak dira aurretik Legazpin, 2021eko irailean, hain zuzen. Orduan Agirre-etxeberriko parkean egin zuten kontzertua, argitaratu berria zuten Baltik diskoa aurkezteko.
