Udaberriko auzolana deitu dute larunbatean Itsason
Itsasoarrak auzolanean, artxiboko irudian.Hitza Urteko lehendabiziko auzolana deitu dute larunbat honetarako Itsason. Auzotarren artean hainbat azpiegitura konpondu, sutarako egurrak egin edo lorategiak atontzea izango dira egin beharrekoak, besteren artean. 14:30ean elkartuko dira eta amaitutakoan Ostatun afaria egingo dute. Parte hartu nahi dutenek 943 47 77 90 zenbakian edo udala@itsaso.eus-en izena eman beharko dute ostirala baino lehen.
