Dantza
Dantzari Txiki eguna ospatuko dute Beasainen, igandean
Goierriko eta Goierriz kanpoko 11 taldek parte hartuko dute.
Dantzari Txiki eguna egingo dute igandean, Beasainen, Aurtzaka dantza taldearen ekimenez eta udalaren laguntzarekin. Hamar talde gonbidatu dituzte: Oin Arin (Lazkao), Iztueta (Zaldibia), Tobera (Zegama), Goruntz (Gabiria), Amets Bide (Ordizia), Lurra (Urretxu), Ereintza (Orereta), Txori Txiki (Zumaia), Oñatz (Oñati) eta Ostadar (Beasain). 10:45ean bilduko dira Dolarea parkean, eta kalejira egingo dute. 13:15ean San Martin plazan elkartuko dira erakustaldirako. 16:30ean, Ttipika taldearekin erromeria izango da.
