Mus txapelketarekin hasiko dituzte bihar Olaberriko jaiak, Zegaman
Egun betea izango dute larunbatean. Kirol saioak, musika eta gastronomia izango dira antolatutako egitarauaren ardatzak.
Herri kirol saioa Olaberri auzoko jaietan, Zegaman, artxiboko irudian. Hitza Olaberri auzoko jaiak ospatuko dituzte zegamarrek asteburu honetan. Jaia ia egun bakar batera mugatuko den arren, askotariko ekintzaz osatu du egitaraua Olaberri auzoko. jai batzordeak.
Bihar iluntzean hasiko dira larunbaterako motorrak berotzen. Berritasun bat sartu dute horretarako eta aurten lehendabiziko aldiz antolatu dute Olaberri auzoko mus txapelketa. 21:00etan emango diote hasiera.
Su artifizialak, amaitzeko
Larunbatekoa izango da Olaberri auzoko jaietako egun garrantzitsuena eta ia bakarra, baina ez da horregatik aukera faltarik izango. Goizean, haurrentzako antolatutako bizikleta probarekin emango diote hasiera egunari, 11:00etan. Eguerdian, 12:00etan izango da jaien hasiera ofiziala, txupinaren jaurtitzearekin. Ondoren, haur zein helduentzako toka txapelketa izango da. Antolatzaileek aurreratu dutenez, toka txapelketan izena emateko azken aukera 13:15ean amaituko da.
Indarrak berritzeko bazkaria dute 14:30ean, Jo Motel txarangarekin. 16:30ean, haurrentzako jolasak eta 18:30ean herri kirol saioa. Kirol proba amaitutakoan, sagardo dastatzea izango da txoripanez lagunduta. Iluntzean, 21:00etan Oilar Beltzak taldearen kontzertua izango da eta jaiak behar bezala amaitzeko, su artifizialak gauerdian.
