Mendi lasterketak
Korosti Trail proba berrirako izen-ematea irekiko dute bihar
Urriaren 13an izango da, bi lasterketekin, Legazpin. Goierriko Koparako puntuagarria izango da.
Gorostiaga edo Korosti mendiak eman dio izena proba berriari. Legazpiko Korosti Trail probarako izen-ematea irekiko dute bihar. Goierriko Trail Koparako puntuagarria izango da, eta txapelketa itxiko du. Urriaren 13an izango da, Legazpi inguruko mendietan. Izena www.kronoak.com webgunean eman ahal izango da.
Korosti Trailek bi lasterketa izango ditu. Ibilbide motzekoak 13,5 kilometroko luzera izango du, eta 800 metroko desnibel positiboa. Lasterketa luzeak 23,5 kilometro eta 1.400 metroko desnibel positiboa izango du.
