Zabalik dago Legorretako udalekuetarako izen ematea
Zabalik dago Legorretako Udalak udarako antolatu dituen udalekuetan eta gazteen irteeretan izena emateko epea; maiatzaren 24a izango da azkeneko eguna. Umeen programari dagokionean, Haur Hezkuntzako umeentzat eta LHko lehen, bigarren eta hirugarren zikloko umeentzat dago zuzenduta. Zerbitzua ekainaren 24an hasi eta uztailaren 24an amaituko da, astelehenetik ostiralera (10:00- 13:00). Matrikularen kostua 80 eurokoa izango da.
Gazteen irteerak
Gazteen programa, berriz, DBHko eta Batxilergoko ikasleentzat dago zuzenduta. Zerbitzua ekainaren 27an hasi eta uztailaren 23an amaituko da. Astean bi irteera egingo dituzte. Matrikularen kostua 100 eurokoa izango da.
Bi programetan deskontua izango dute DSBE eta GLL jasotzen duten familiek, familia ugariek eta guraso bakarreko familiek. Kasu guztietan ES96 2095 5075 13 1060024709 (Kutxabank) kontu zenbakian ordaindu beharko da, eta ondoren Herritarren Atarian izena eman, ordainagiria erantsiz.
