Bilera deitu dute astelehenerako Legazpiko asteburu mikologikoa antolatzeko
Lekanazpi elkarteak egin du deialdia, eta perretxikozaleak gonbidatu ditu parte hartzera. Elkartean bertan izango da, 18:30ean.
Lekanazpi elkarteak bilera antolatu du astelehenerako, hilak 20, udazkenean egin nahi duen asteburu mikologikoa antolatzen hasteko. Bilera irekia da, eta Lekanazpi elkartean egingo dute, 18:30ean.
Lekanazpik perretxiko zaleei dei berezia egiten die, «denon artean denon gustuko asteburu mikologikoa» prestatzeko.
Iazko edizioak elkartasun kutsua izan zuen, eta bildu zuten dirua minbizia duten Gipuzkoako haurren familien Aspanogi elkarteari eman zioten, 1.618 euro guztira.
