Aurtzakaren dantzak Donibane Lohizunen
Mugaz gaindiko proiektuak saritzen dituen 'Ideiak 2023' lehiaketaren barruan kokatzen da saio hau. Argazkiak albistean.
Beasaingo Aurtzaka Dantza Taldea Donibane Lohizunen izan zen larunbatean. Herrian zehar eta itsas bazterrean kalejira egin ondoren, Mozorro-Dantza, Sokadantza, Sarian Zun-Zun eta Txipiritona dantzatu zituzten plazan, taldeko musikariekin batera.
Saio hau Ideiak 2023 lehiaketaren barruan kokatu behar da, non mugaz gaindiko proiektuak saritzen diren. Iparraldeko eta Gipuzkoako hainbat talderen arteko topaketa, trukea, formakuntza-saioak eta erakusketa barne hartzen ditu.
Iparraldeko dantza taldeek interes berezia adierazi dute irailean, urtero, ospatzen den Igartzako Ezpata Dantza bertatik bertara ezagutzeko.
[ARGAZKIAK: Aurtzaka Dantza Taldea]
