Bizikleta ikastaroak emango dituzte Legorretan
Xendapedalak parkean sei saio egingo dituzte uztailean, adinaren arabera banatuta. Astean bi saio izango dira.
Xendapedalak parkean egingo dituzte ikastaroak uztailean.Legorretako Udala Legorretako Xendapedalak bizikleta parkean bizikleta ikastaroak emango dituzte uztailaren 1etik 17ra bitartean. Sei saio izango dira, astelehenetan eta asteazkenean.
Adinaren arabera banatuko dituzte taldeak. Sei urtetik gorakoentzat hastapeneko ikastaroa eskainiko da (17:30-18:30); hamar urtetik gorakoentzat XC ikastaroa (18:30-20:00); eta 12 urtetik gorakoentzat Enduro ikastaroa (17:00-20:00). Lehenengo bi ikastaroen kostua 20 euro izango da ikasleko, eta hirugarrenarentzat 40 euro ikasleko.
Legorretarrez gain, herrikoak ez diren haurrek ere izena emateko aukera izango dute, baina herritarrek lehentasuna izango dute izen emate kopurua gaindituz gero. Ikastaroa aurrera ateratzeko, maila bakoitzean gutxienez bost pertsonak eman beharko dute izena.
Izena udaletxean zein galdetegi honetan eman daiteke. Ordainketa ES96 2095 5075 13 1060024709 (Kutxabank) kontu zenbakira egin behar da. Izena ematea udaletxean egin ezkero, ordainagiria eskuz entregatu behar da; bestela, ordainagiria komunikazioa@legorreta.eus helbidera bidali. Izena emateko azkeneko eguna ekainak 23 izango da.
