Motxorrotik Zerain arteko errepidea itxita egongo da bihar
Goilurrak rallya igaroko da Mutiloa-Gabiria-Motxorro-Aztiria-Zerain zirkuitutik. Errepidea 08:00etatik 13:30era itxiko dute. Antolakuntzak telefono zenbaki bat jarri du bizilagunen eskura, horien pasoa errazteko.
Motxoko, Legazpi. Goilurrak rallya igaroko dela eta, bihar 08.00etatik 13:30era bitartean itxita egongo da Legazpiko Motxorroko bidegurutzetik Zerainera doan errepidea. Autoak Mutiloa, Lierni, Ormaiztegi, Legazpi, Aztiri eta Zerain artean ibiliko dira.
Rallyaren antolakuntzak telefono zenbaki jarri du bizilagunen eskura, horien pasoa errazteko. Goizean zehar etxetik irten edo etxera joan behar duenak 688 642 894 telefonora deituta Jonekin jarri beharko dira harremanetan,e ta harekin adostuko dute noiz eta nola joan.
Bestetik, antolakuntza aseguru bat duela ere jakinarazi du, eta probaren egunean zerbait hondatzen bada, lehengo telefono berera deitu behar da, aste beteko epean.
