Pintura
Bear pintura elkartearen ikasturte amaierako erakusketa ikusgai dago
Ekainaren 30era arte egongo da Igartza jauregian. Inaugurazio ekitaldi jendetsua izan zen.
Bear pintura elkarteko kideen pintura erakusketa ikusgai dago Igartza jauregian. Ikasturte amaieran urtero egin ohi dute, urtean zehar egindako lana herritar guztiei erakusteko helburuarekin, eta bide batez, herriko artisten juntadizoa egiteko. Ostiralean inauguratu zuten erakusketa ekitaldi jendetsu batekin.
Ekainaren 30era arte egongo dira lanak ikusgai. Astelehenetik ostiralera 18:00etatik 20:00etara, eta asteburu eta jaiegunetan, 11:00etatikk 14:00etara eta 18:00etatik 20:00etara. Herritar guztiak gonbidatuta daude.
