Sigi Sagas Fest! ospatuko dute larunbatean
Egun osoko festa izango da Sagastigutin, Arrano Kulturak antolatuta.
Ianire Aranzabe, Esanezin-eko ahotsa.Ariane Vierbücher Sigi Sagas fest! hemen da, bigarrenez. Beasaingo Sagastiguti parkean izango da, Arrano Kulturak antolatuta. Sagastiguti propio aukeratu zuten jaialdia egiteko, herriko beste gune batzuetara eraman nahi dutelako kultur agenda. Gainera, herrigunean egon arren, askorentzat ez da oso ezaguna Sagastiguti parkea, eta jarduera honekin, herrigunean bertan dagoen eremu zoragarri hau ezagutzera ematea ere bada Arrano Kulturaren asmoa.
Hala, egun osorako eta adin guztietarako egitaraua antolatu dute, aurten ere. 11:00etan ekingo diote, Sagastiguti ezagutzen haurrentzako ginkanarekin. Ondoren, zirku tailerra egingo dute. 12:00etan hasita izango da. Herri bazkaria ere izango da, 14:30etik aurrera, eta paella izango da plater nagusia. Bazkaltzeko txartelak aurrez erosi behar dira Arrano tabernan.
Eguna borobiltzeko, 17:30etik aurrera, kontzertuak izango dira. Hiru taldek joko dute; Deñe, Esanezin eta Maskak.
