Haur eta gazteentzako telefono sarea
’Gurea erabil dezakezu’ kanpaina abiatu du Altxa Burua taldeak. Beasaingo 68 establezimenduk bat egin dute pantailen gehiegizko erabileraren aurka.
Altxa Burua taldeko, udaleko eta Beasaingo establezimenduetako ordezkariak. Altxa Burua Altxa Burua taldeak, Gurea erabil dezakezu ekimena abiatu du Beasainen ere, haurrek eta nerabeek telefono mugikorrak eta pantailadun gailuak gutxiago erabil ditzaten lortzeko. Guraso talde honen ekimenera batu dira bertako 68 establezimendu (saltokiak, ostalaritza establezimenduak, akademiak, udala…). Kanpaina honekin, haurrek sakelakoa eduki beharrik ez izateko eta etxekoei hots egin ahal izateko telefonoa utziko dieten lekuak identifikatuko dituzte. Urretxun, Zumarragan, Ataunen eta Lazkaon ere martxan dago ekimena.
Haur eta gazteek herriko saltoki eta eraikin publikoetako telefonoa erabili ahal izango dute, beharrezko edo larrialdiko deiak egiteko. Gaztetxoek komunikatu beharreko zerbait dutenean, ekimenaren bereizgarria bilatu beharko dute. Kanpainara atxikitako establezimenduak, erraz identifikatu ahal izateko, pegatina bat sortu dute, ekimenaren leloarekin. Pegatina, establezimenduaren edo eraikinaren atarian egongo da, erraz ikusteko moduan.
Bilatu bereizgarria
Beasainen, ondorengoak dira Gurea erabil dezakezu ekimenera atxiki direnak: Antzizar Kiroldegia, Akelarre Taberna, Anzizar Taberna, Igartza Zelaia, Speak Up!, Kids&Us, Atanes Denda, Kapritxo Igartza, Farmabi, Optika Argi, Farmazia De La Cuesta, Zuha, Tpt Kafetegia, Orient Gastroteka, Ogiberri, Kresala Gabinetea, Graficas Eguzki, Pergola, Optika Jauregi, Multioopticas Beasain, Farmazia Ane Barrutia, Mirentxu, Ortzi Taberna, Amets Descanso, Foto Alzuri, Arkupe, Optika Jm Imaz, Ntr Kirol Elikadura, Elduaien Hizkuntz Ac., Do’s Formacion, Lacunza Ih, Errotaundi, Vitaldent, Gariona, Arku Moda, Cortes Jantzidenda, Migdala, Bizi-Goxo, Intersport Urrutia, Bar Iturralde, Iñausti Hortz Klinika, Pipuh, 360 Ileapaindegia, Blues Gastrobar, Plazape, Farmazia Igor Odriozola, Aisea Goxokiak, Udaltzaingoa, Udal Liburutegia, Igunea Beasain, Nagusi Optika, Piratas&Princesas, Vicuña Sport, Farmazia Urbizu Telleria, Kux Kux, Usurbe Antzokia, Bideplaza Kafe, Goxoak, Alzuaran, Hamburgueseria Atsegin, Aldaxka Kafetegia, Brain Connections, Arteka, Udal Euskaltegia, Goiztar Prensa y Dulces, Oskarbi Kafetegia, Erloju/Ogiberri, eta Txoko Berri Taberna.
