Bidali udako zure argazkia
GOIERRIKO HITZA-K 19. urtez antolatu du udako argazki lehiaketa. Edonork har dezake parte, baina Hitzakide direnek sari bereziak irabazteko aukera izango dute. Irailaren 13ra arte bidal daitezke argazkiak.
![](https://goierri.hitza.eus/site/files/2024/07/udako_argazki_lehiaketa-1.jpg)
Abuztua ate joka dago dagoeneko, eta oporretara abiatzeko garaia da askorentzat. Bainujantzi, toalla eta gainontzekoekin batera, argazki kamera edo sakelako telefonoa ere maletan sartu beharrekoa da. Are gehiago, GOIERRIKO HITZAren XIX. Argazki Lehiaketak dakartzan sariak ikusita; oporretako argazki bat bidali, eta ikasturte berria sari potolo batekin hasteko aukera ederra.
GOIERRIKO HITZAk 19. urtez antolatu du lehiaketa. Edonork har dezake parte, irakurle guztientzako irekia baita. Hitzakide direnek, ordea, sari bereziak irabazteko aukera izango dute: Barraskilok eskainitako bi gau autokarabanan bi lagunentzako eta Zezilionea jatetxeak eskainitako bi lagunentzako otordua –bazkaria edo afaria– banatuko dira aurten. Publikoaren boto gehien jasotzen duen argazkiak Foto Alzurik eskainitako 70x50eko argazki handitze bat izango du saritzat.
Irailaren 13ra arte
Parte hartzeko goierri.hitza.eus webgunean dagoen formularioa bete behar da. Datu guztiak sartzea derrigorrezkoa da eskaera ondo onartzeko. Parte-hartzaile bakoitzak argazki bakarra aurkeztu ahal izango du. Irailaren 13an bukatuko da epea.
OINARRIAK
- Lehiaketa. Goierriko Hitzaren Udako XIX. Argazki Lehiaketa.
- Argazkiak bidaltzeko epea. Irailaren 13ra bitartean bidal daitezke argazkiak. goierri.hitza.eus webguneko lehiaketaren ataleko formularioan, datu guztiak beteta.
- Botoa emateko epea. Irailaren 16tik 20ra, webgunean.
- Argazki irabazleak. Irailaren 26an argitaratuko dira.
- Parte-hartzea. Irekia izango da parte hartu nahi duten guztientzat. HITZAkideek sari berezietarako aukera izango dute.
- Sari banaketa. Urriaren 3an, 19:00etan, Lazkaoko Biziola fabrikan.
SARIAK
- Hitzakideen 1. Saria. Barraskilok eskainitako bi gau autokarabanan bi lagunentzako.
- Hitzakideen 2. Saria. Zezilionea jatetxeak eskainitako bi lagunentzako otordua (bazkaria edo afaria).
- Publikoaren saria. Webgunean (goierri.hitza.eus) boto gehien jasotzen dituen argazkiak, 70x50ko argazki handitzea (Kappa euskarrian) irabaziko du, Foto-Alzuri-k eskainia.