Ehunmilak batzordearen esker ona «jasotako babes guztiarengatik»
Antolakuntza batzordeak esker hitzak izan ditu hamahirugarren edizioa posible egin duten denentzat.
Ehunmiletako sari banaketa. Ehunmilak trilogiako antolakuntza batzordeak eskerrak eman nahi dizkie, hamahirugarren edizioa posible egin duten denei: “Merkatariei, laguntzaileei, udalei eta babesleei, zuen ekarpenari esker Beasain eta inguruek Ehunmilak, Goierriko 2 Haundiak eta Marimurumendi mendi-lasterketez gozatzen jarraitzeko aukera ematen diguzuelako”.
Era berean, esker hitzak ere, lasterketen antolaketan laguntzen aritu diren 1.600dik gora boluntarioei, “antolakuntzatik bihotz bihotzez eskertzen dizuegu emandako babes eta laguntza guztia”.
Baita ere, hiru probetan izena eman zuten “korrikalari guztiei, eurak direlako proiektu honen zati garrantzitsuenetako bat”.
“Mila esker guztioi urteak pasa ahala proiektuari eskaintzen diozuen ekarpenagatik, konfiantzagatik eta dedikazioagatik”.
