Murumenditik izarrak ikusteko txangoa antolatu du Arrano kultura elkarteak
Abuztuaren 31rako jarri dute 'Izarren gaua Murumendin' hitzordua. Aranzadiko adituek lagunduko diete ortziaren behaketan.
Beasaingo Arrano kultura elkarteak izarrak ikustera joateko Izarren gaua Murumendin txangoa antolatu du, abuztuaren 31rako, larunbata. Mandubiko bentan 19:00etan elkartu, eta oinez igoko dira Murumendira. Aranzadi zientzia elkarteko zientzialariek lagunduko diete han, behin gaututakoan, izarrak eta konstelazioak ikusten eta ezagutzen. Norberak bere kataloxak eraman behar ditu.
Gaua Murumendin bertan pasatuko dute. Lo zakua, kanpin denda, kopetako argia, afaria eta gosaria ere bakoitzak bereak eraman behar ditu. Biharamun goizean, igandea, Agortan hamaiketakoa prestatuko die Arrano elkarteak parte-hartzaileei. Izena eman behar da (arranoingurumena@hotmail.com).
