Idiazabalgo Gurutzetan meza eta erromeria ospatuko dute bihar
Meza 11:00etan izango da, eta ondoren hamaiketakoa eta trikitilarien saioa izango dira.
Ohiturari jarraituz, bihar, Andra Mari egunean, meza ospatuko da Idiazabalgo Gurutzeta elizan, 11:00etan. Meza amaitutakoan, hamaiketakoa banatuko da elizaren aurreko zelaian, bertaratutako guztien artean, eta ondoren erromeria izango da Abel eta Amez trikitilariekin.
Gurutzetako eliza Serotegi auzoan dago, eta garai batean Idiazabalgo parrokia izan zen.
Bihar han meza emango dutenez, San Migelgo parrokian ez da izango. Mojen konbentuan, aldiz, 09:00etan izango da.
