Idiazabalgo Adinekoen Eguneko bazkarirako txartelak salgai
Ostegunean, ostiralean eta igandean erosi ahal izango dira txartelak Adinetxeren egoitzan. Adinekoen Eguna irailaren 22an ospatuko dute aurten.
Idiazabalgo Adinekoen Egunaren ospakizuna, iaz, Zelaa kiroldegian. Hitza Datorren irailaren 22an ospatuko da Adinekoen Eguna Idiazabalen. Bazkarirako txartelak Adinetxe jubilatu elkartean erosteko aukera egongo da bihartik aurrera, 10 euroan. Txartelak erosteko Adinetxeren egoitzara gerturatu daiteke bihar eta etzi (irailak 12 eta 13) 18:00etatik 19:00etara eta irailaren 15ean, 12:00etatik 13:00etara.
Ohi bezala bazkaria Zelaa kiroldegian egingo dute. Aurretik, meza izango da 13:00ean eta ondoren datza saioa Axari dantza taldearen eta Birigarro txistulari taldearen eskutik. Meza irteera probestuko dute taldeko argazkia ateratzeko. Bazkaria 14:30ean hasiko da eta ondoren, dantzaldia izango da.
