Bele Gaztek urte bukaerara arteko egitaraua osatu du
Bele Gazte gaztelekuak urriko, azaroko eta abenduko agenda aurkeztu du. Kirol, kultur eta gastronomia eskaintzak batu dituzte.
Bele Gaztekoak, futbolinean jolasten, artxiboko irudiaan Zegamako gazteek badute zer egina urtea bukatu arte. Esaterako, larunbat honetan ping-pong eta futbolin txapelketak izango dituzte Bele Gazte gaztelekuan. Arduradunek gaur jakinarazi dute urte bukaerara arteko agenda.
Urrian, aipatutako mahai tenis eta mahai futbol txapelketez gain, hilaren 19an saskibaloi txapelketa egingo dute eta 26an, bolotan arituko dira herriko taldearekin. Urriaren 12an jai egingo dute.
Azaroan kulturak hartuko du garrantzi handiagoa: 2an, esaterako, pelikula emanaldia egingo dute eta astebete geroago, karaokea eta dantzaldia. Azaroaren 22an, ostirala, Gabonetako ekintzen programazioa finduko dute eta azaroaren 30ean, txurroak txokolatearekin jango dituzte.
Abenduan, eskulanak egingo dituzte (7), argazki lehiaketako sari banaketan (13), gaztelekua Gabonetarako apaindu (14) eta taloak egin eta dastatuko dituzte (15).
Gaztelekua ostiral eta larunbatetan egongo da irekita. 17:00etatik 20:00etara, ostiraletan eta 16:30etik 20:30era, larunbatetan. Ekintzak 17:00etan hasiko dira.
