Plaza dantza ikastaroa eskainiko du Ostadarrek
Urriaren 7tik aurrera izango da. Izen ematea zabalik dago.
Beasaingo Ostadar dantza taldeak jarraipena emango dio plaza dantza ikastaroari 2024/2025 ikasturtean. Astelehenetan eskainiko dute, 19:00etatik 20:00etara, datorren urriaren 7tik aurrera. Ikastaro honetan, erromerietako dantza gisa ezagutzen diren koreografiak dantzatzen irakatsiko dute.
Interesa dutenek bide desberdinak dituzte izena emateko: ostadardt@gmail.com epostara idatzita; 695 737 400 telefono zenbakira deituta edo WhatsApp bidez mezua bidalita; edo sare sozialetako plataforma desberdinen bidez (Facebook, Twitter edo Instagram).
Izena emateko ez dago epemugarik, baina taldea hobeto antolatzeko, ikastaroa hasi aurretik egitea eskatu dute. Dantza taldearen egoitzan, Beasaingo Oriamendi kaleko 10 zenbakian, izango da ikastaroa.
