Zaldibiako Iztueta dantza taldeak ikuskizuna eskaini du jaietako igandean
Zaldibiako Iztueta dantza taldeak ikuskizuna eskaini du Santa Fe eguneko arratsaldean. Adin guztietako dantzariak eta euskal dantza desberdin ugari.
Santa Fe jaiak ospatzen ari diren asteburuan Santa Fe egun handia iritsi da eta Zaldibian ekintza ugari izan dituzte gaur egunean zehar. Arratsaldeko ekintza nagusia Iztueta dantza taldearen ikuskizuna izan da. Urteroko legez, herriko dantza taldeak herritarrei urte osoan zehar egiten duten lanaren zati txiki bat erakutsi nahi izan diete eta ikuskizuna bikain bat eskaini.
Iztueta dantza taldeak urteak daramatza herritarren oinak mugiarazten, dantza irakasten txikienetik handienetara eta euskal dantzen sokari jarraipena ematen. Aurten ere ikuskizuna eskaini dute jaietan. Txikienetatik handienetara igo dira dantzariak eszenatokira eta dantza ugari eskaini dituzte, horien artean: txulalai, sagar-dantza, jauziak, txontxongilo edota Colplay-ren “viva la vida” abestiaren koreografia, besteak beste.
Herritar asko gerturatu dira ikuskizunaz gozatzera eta arratsaldepasa bikain baterako giro ederra sortu dute guztien artean.
