Erorikoak saihesteko ikastaroa antolatu dute Zerainen
Urriaren 29an eta 30ean izango da kultur etxean Antolar jubilatu elkarteak antolatuta. Parte hartu ahal izateko izena eman behar da, urriaren 25a baino lehen.
Erorikoak saihesteko ikastaroa eskainiko dute Zerainen urriaren 29an eta 30ean, asteartea eta asteazkena Antolar Zeraingo jubilatu elkarteak antolatuta. Ikastaroa Zeraingo kultur etxean egingo da 17:00etatik 19:00etara. Osakidetzako bi erizain, herriko sendagilea eta gizarte laguntzailea, BetiOn telelaguntza zerbitzu publikoko ordezkari bat eta fisioterapeuta batek gidatuko dituzte saioak.
Ikastaroan parte hartu ahal izateko derrigorrezkoa da izena ematea, urriaren 25a baino lehen. Izena emateko 626 967 186 (gizarte laguntzailea) telefonora deitu daiteke edo Antolar elkarteko norbaiti esan.
