San Silvestre lasterketa
Ireki dute Zegaman San Silvestre lasterketan izena emateko epea
Zegamako Sansilbestre probaren irteerako une bat, artxiboko irudian. Carlos Mediavilla Zegamako 12. Sansilbestre lasterketan izena emateko epea ireki dute dagoeneko. Proba, ohi bezala, abenduaren 31n jokatuko da, 17:30ean hasita Elkartu Nahi txirrindulari elkarteak eta Zegamako Udalak antolatuta. Izena Rock the Sport web gunean sartuta eman daiteke.
Lasterketa 5,25 kilometrokoa izango da eta helduen probaren aurretik, haurrentzako beste bat izango da 17:00etan hasita. Urtero bezala, datorren urteko Zegama Aizkorri mendi maratoirako hiru dortsal zozkatuko dira kanpotik joango diren lasterkarien artean. Gainera, 100 euroko sari berezia ere izango da marka hausten dutenentzako. Gizonezkoetan, 15:46an dago ezarrita (2019an) eta emakumezkoetan, berriz 18:39an (2022an). 350 parte hartzailetara iristean itxiko dute izen ematea.
