'Gabon hauetan, zu zara izarra' kanpaina Ordizian
Ordizianeko dendetan erosketak egiten dituztenek hiru zozketetan parte hartzeko aukera izango dute.
Ordizian merkatari elkartearen kanpaina.Ordizian. Ordiziako Merkatarien, Ostalarien eta Zerbitzu-enpresen elkarteak bultzatuta, eta Ordiziako Udalarekin eta Eusko Jaurlaritzako Turismo, Merkataritza eta Kontsumo Sailarekin elkarlanean, Gabon hauetan, zu zara izarra kanpaina hasiko da astelehenean. Gabon garai honetan, «erosteko erabakiaren garrantzia» azpimarratu nahi dute eta bezeroek saltoki txikietan erosketak eginez lortzen dituzten «etekinak ikusarazi nahi ditugu». Izan ere, «saltoki txikietan erosten duzunean produktu soil bat baino gehiago irabazten duzu».
Hiru zozketa
Ordizianeko dendetan erosketak egiten dituztenek hiru zozketetan parte hartzeko aukera izango dute. Batetik, abenduaren 16, 17, 18, 19, 20, 23, 24, 26, 27 eta 30ean, saski bana eta egun bakoitzean Gabonetako loteriaren dezimoaren zozketa egingo dute. Bestetik, abenduaren 9tik 31ra egindako erosketekin, egun bakar batean (urtarrilaren 2an, 3an edo 4an) gastatzeko 1.000 euroren zozketan sartuko dira erosleak. Zozketa, abenduaren 31n, 13:15ean egingo da. Hirugarren zozketa urtarrilaren 3ra bitartean egindako erosketak egiten dituztenak Ordiziako Hotelean egingo den festa pribatu baten zozketan sartuko dira. Irabazleak aukeratutako hamar lagunentzako festa izango du bertan (bazkaria, musika eta Photocalla). Zozketa, urtarrilaren 3an, 13:15ean egingo da.
Kanpainara atxikitako establezimenduetan erosketak egindakoan eskuratutako txartelak Ordizian elkarteko postontzian utzi beharko dira. «Kanpainan parte hartzen duten establezimenduek izar identifikatzaile bat izango dute kanpainaren kartelaz gain».
