Legazpiko parrokiari buruzko ikus-entzunezkoa estreinatuko dute larunbatean
Dron batekin hartutako irudiekin osatu dute lana. Elizan bertan aurkeztuko dute, 20:00etan.
Larunbatean, hilak 7, Legazpiko parrokiari buruz egindako ikus-entzunezkoa estreinatuko dute, 20:00etan, elizan bertan.
Ama Jasokundearen elizaren irudi berriekin osatu dute lana parrokiko batzordeko kideek. Dron baten bidez hartutako irudi “ikusgarriak” direla aurreratu dute, eta “ziur gaude ikusleek asko gozatuko dutela” bideoarekin.
Lan honen helburua “gure parrokiak ezkutatzen duen aberastasun artistikoa” ezagutzera ematea da.
