Legazpiko udal artxibategia ikaslez bete da
Haztegi ikastolako ikasleak izan dira bisitan, eta herriko Erdi Aroko dokumentuak ezagutu dituzte Endika Altzelai artxibozainaren laguntzarekin.
Haztegi ikastolako Lehen Hezkuntzako bigarren mailako ikasleak udal artxibategian izan dira bisitan astean zehar, gelan lantzen ari diren Erdi Aroari buruz gehiago jakitegiko. Artxibategian, Legazpiko Udalak dituen Erdi Aroko dokumentuak ezagutu dituzte, Endika Altzelai artxibozainaren laguntzarekin. Besteak beste, pergaminoan jasotako olagizonen eta baserritarren arteko hitzarmenak, paperean idatzita dagoen Segurarekin egindako atxikimendua, berunezko erret zigilua duen pergaminozko bete agindu bat eta mugarrien plano bat ikusteko aukera izan dute ikasleek.
