Lemniskataren azken bi hitzaldiak bideoan ikusgai
Goierriko hiru ekintzailerekin egindako mahai-ingurua eta Fernando Plazaolaren unibertsoari buruzko hitzaldia sarera igo ditu.
Matematika argazkien XI. Nazioarteko Lehiaketara argazkiak bidaltzeko epea artean zabalik dela –abenduaren 31n bukatzen da–, Lemniskata Zientzia Sare Herrikoia Azaroa Zientzia zikloaren barruan egindako azken bi hitzaldi-solasaldiak Internetera igo ditu, 2024ko ikasturteari bukaera emanez.
Batetik, Onik proiektuko Ainitze Salarekin, Opoeneako Nerea Albarranekin eta Lortekeko Xabi Zurutuzarekin azaroaren 22an egindako Goierriko ikerlari eta ekintzaileak mahai-inguruaren bideoa igo du Youtubeko kanalera. Bestetik, Fernando Plazaolaren Unibertsoa, bere ezagutzaren historia hitzaldia ere sareratu du. Azaroaren 29an izan zen hitzaldi hori.
